Духуобунай сайдыыны түстэһэн.

            Өлөөннөөҕү  кииннэммит библиотечнай ситим үлэтэ барыта «Саха Өрөспүүбүлүкэтин 2012-2016 сс. ааҕыыны өйүүр уонна сайыннарар»  уонна „СӨ быраабы сырдатыы“ концепцияларыгар олоҕуран үлэлиир. Кэлиҥҥи кэмҥэ ааҕыыны өйүүр уонна сайыннарар тиэмэ5э  араас тэрээһиннэр ыытыллаллар.

                      Кинигэ киьи-аймах өй-санаа өттүнэн үүнэригэр-сайдарыгар күүс-көмө буолар. Онтон библиотека үйэлэргэ мунньуллубут дьон өркөн өйүн- санаатын бар дьоҥҥо тиэрдэн общество оло5о, өйө-санаата сайдарыгар сүҥкэн кылааты кииллэрэр. 2016 сыл Россияҕа Киинэ, Саха Өрөспүүбүлүкэтигэр  «нэһилиэнньэлээх пууну ырааһырдыы“ сылынан биллэриллэн тэрээһиннэрбитин онно анаан ыытабыт. Ол курдук нэһилиэнньэҕэ араас өрүттээх викториналар, лекциялар, беседалар, тетатическэй биэчэрдэр ыытыллыннылар.  Россия бастакы Президенин Ыйаа5ынан ыам ыйын 27 күнэ библиотека күнүнэн биллэриллибитэ.      Бу бэлиэ күҥҥэ оройуоммут библиотекалара  араас таһымнаах биэчэрдэри, конкурстары, көрсүһүүлэри тэрийэн ыыттылар.

             Киин библиотекаҕа нэдиэлэ устата араас  быыстапкалар, компьютерга  үөрэтии, библиотека устун экскурсиялар, мастер класс,  тематическэй биэчэрдэр  ыыттылыннылар.

Бырааьынньыктааҕы биэчэргэ оройуон аҕа баһылыгын социальнай боппуруостарга солбуйааччыта Александрова  Л.В.,  «Сугулаан“ оройуоннааҕы депутаттар бэрэссэдээтэллэрэ Григорьева З.Д, культура управлениетын начальнига Николаева Н.П, судебнай пристав начальнига Михайлова Н.В., үэрэҕирии  управлениетын методиһа, бочуоттаах меценат Гаврильева В.С. кэлэн эҕэрдэ тылын эттиллэр.  Михайлова Светлана Степановна уонна Иванов Юлиан Александрович хоһоон ааҕан бэлэхтээтилэр.  Аан дойдутаа5ы акция „тотальнай диктант“ кыттыбыт дьоҥҥо сертификат  үөрүүлээх быһыыга туттартаатыбыт. Олус учугэйдик Васильев В.П., Яковлева Г.П., Николаева С.В. суруйбуттар. Биэчэрбит иккис түһүмэ5эр  сайынҥҥы тиэмэҕэ баянынан доҕуьуолланан күрэх кыттааччылара муода көрдөрдүлэр, киинэ сылыгар  аналлаах сэбиэскэй киинэлэргэ анаммыт викторина, таабырын таайыстылар, аҕам саастаах дьоннорбут баянынан үнкүүлээтилэр. Баянынан доҕуһуоллаата биьиги ытыктыыр, убаастыыр киһибит Николай Семенович Николаев. Культура профсоюһа оройуон библиотекарьдарыгар бэйэтин бэлэ5ин үөрүүлээх быһыыга туттартаата. Кэлбит ыалдьыттар сүргэлэрэ көтөҕүллэн, үөрэ- көтө, махтал тылларын этэн тарҕастылар.

              Оҕо библиотекатыгар  „Умелые ручки» мастер класс, о5олор  бэйэлэрэ  оҥорбут  «книжка-малютка» кинигэ быыстапката,  викториналар, беседалар  ыытылыннылар.

            Библиотека күнүн көрсө   икки ыйга ааҕааччылары бырастыы гыныы күнэ ыытылла турар. Ол аата ааҕар саалаттан кинигэ уларсан баран өр кэмҥэ кыайан төнүннэрбэккэ сылдьар дьон бу күннэргэ кэлэн ыстырааба суох төнүннэриэххитин сөп.

          Ээйик модельнай библиотека аа5ааччыларыгар киинэ сылыгар аналлаах  тематическэй биэчэр ыытта. Ол курдук СР культуратын туйгунун, библиотечнай ситим ветеранын, өр сылларга Ээйик библиотекатыгар библиотекарынан үлэлээбит Оленева Татьяна Николаевнаны уонна  СР кинематографиятын туйгунун Николаев В.Е. чиэстээтилэр, олохтоох администрация  эҕэрдэ сурук  уонна сэмэй бэлэх туттартаата. Ээйик библиотекара Степанова Варвара   Петровна  библиотека саамай акыыбынай ааҕҕааччыларыгар Павлова Марина Спиридоновнаҕа, Евдокимова Зоя Васильевнаҕа, Кучарова Мичилинэҕэ, Степанова Аяҕа анал ааттаах бэлэхтэрин  туттартаата. Киинэ сылыгар аналлаах „Толкуйдаа Оонньоо. Кыай“ диэн  викторина ыытта, администрация хамаандата бастаата,биэчэри уопсай киинэ көрөн түмүктээтилэр.

            Дьэлиҥдэ   сельскэй библиотека библиотекарэ Павлова Любовь Семеновна  уонна Дьэлиҥдэ  орто осуолатын библиотекарэ  Антонова Евдокия Николаевнаны  кытта олохтоохторго бэрт интириэьинэй биэчэри тэрийэн ыыттылар.Нэһилиэк аҕа баһылыгын солбуйааччыта Николаева М.В. эҕэрдэтин уонна ветеран библиотекарьдарга  Матвеева  Е.Н., Иванова П.Т., Наумова В.Г. махтал суругун уонна сэмэй бэлэгин туттартаата. Аан дойдутааҕы акция чэрчитинэн «тотальнай диктант“  түмүгүнэн Иванова Т.С., Басова З.Н., Павлова А.С.,  сертификатынан наҕараадаланнылар. Киинэ сылыгар аналлаах аьа5ас трибуна5а элбэх о5о кытынна, саамай актыыбынай кыттыыны интернат о5олоро ыллылар. Актыыбынай аа5ааччыларга кинигэ бэлэх  туттарбыттар.

         Харыйалаах сельскэй библиотеката аныгыс нэдиэлэҕэ ыытара былааннанар.

            Библиотека күнүгэр аналлаах тэрээһиннэр бэрт сэргэхтик ааста. Кииннэммит библиотечнай ситим үлэһиттэрэ кыттыбыт тэрээьиннэргэ актыыбынай кыттыбыт дьоммутугар махталбытын биллэрэбит. Сылын аайы маннык тэрээһиннэр ыытылла туруохтара

            Түмүккэ,  баҕарабын бэйэ-бэйэбитигэр киһилии сиэрдээхтик сыһыаннаһан, өйөһөн, хас күн аайы ойон тахсар күнү үөрэ-көтө көрсө, айымньылаахтык үлэлиэххэ.

Өлөөннөөҕү кииннэммит библиотечнай ситим методиьа

Екатерина Николаева