А5а дойдуну көмүскээччи күнүн бэлиэтиир бырааһынньыга үрдүк таһымнаахтык бэлиэтэннэ. Ол курдук олунньу 22 күнүгэр Өлөөн бөһүөлэгэр Өлөөннөөҕү киин библиотека уонна Өлөөннөөҕү оҕо уонна дьиэ кэргэн көмүскэлин киинэ кыттыһаннар Аҕа дойду күнүгэр аналлаах уол оҕолорго ырыысарскай турнир ыытылынна. күрэҕи киин библиотека үлэһиттэрэ Мария Николаевна уонна Екатерина Васильевна иилээн-саҕалаан ыыттылар. Бу турнирга 5 чаҕылкай уол оҕолоро кыттыыны ылла. Турнир 5 түһүмэххэ араарылынна, онно уолаттарбыт бары биир тэҥник бэйэтин курдук уруһуйдаан талаанын көрдөрдө.

         Иккис түһүмэххэ хаһыаты имитэн баран мээчик курдук корзинаҕа таба быраҕыыга саамай сытыы харахтаах уол Миша Герасимов буолла.

         Үһүс түһүмэххэ үөһэттэн түһэрбит харандаастарын таба тардан ылыыга Давид Николаев түргэнин сымсатын көрдөрдө.

        Араас элбэх тема боппуруостарыгар эппиэттээн саамай билиилээх буолан таҕыстылар - Давид Николаев уонна Миша Герасимов.

         Саллааттыы хаамыы турнирыгар Ян Иванов уонна Айаал Новгородов хаамыыларын көрөөччүлэр астына сэргээтилэр.

       Турнир түмүгүнэн бочуоттаах бастакы миэстэни ылла 3 кылаас уөрэнээччитэ Миша Герасимов, иккис миэстэҕэ тигистэ 3 кылаас үөрэнээчитэ Давид Николаев, үһүс миэстэни ылан Святослав Егоров 6 кылаас үөрэнээччитэ үөрүүтэ дьикти.Ян Иванов уонна Айаал Новгородов сертификат ылар чиэскэ тигистилэр.

        Кыттыылаахтары библиотека уонна оҕо уонна дьиэ кэргэн көмүскэлин киинин үлэһиттэрэ ис сүрэхтэн эҕэрдэлээтилэр уонна грамоталары, сертификаттары, сэмэйбэлэхтэри туттартаатылар. Чаҕылхай уоланнарбыт саллаатты барарга бэлэмнэрин көрдөрдүлэр.