Ыам ыйын 27 күнэ -Бутун Россиятааҕы библиотекалар уонна библиотека идэлээхтэрин күннэрэ. Ол чэрчитинэн оройуон библиотекаларыгар араас тэрээҺиннэр буоллуллар.

           Оҕо библиотекатыгар оскуола о5олоругар интеллектуальнай квест оонньуу ыытылынна. Тэрээһиҥҥэ Өлөөн орто оскуолтын 5-6 кылааһын үөрэнээччилэрэ “Красные”, “Синие”, “Желтые”, «Зеленые» диэн түөрт хамаанда5а арахсан оонньуу 5 түһүмэ5инэн күрэхтэстилэр. Квест оонньуубутугар кыайыыны Өлөөн орто оскуолатын 6 «а» кылааЬын үөрэнээччилэрэ “Красные” хамаанда буолла. Ээйик модельнай библиотеката оскуола үөрэнээччилэригэр интеллектуальнай квест оонньуу ыытта. Дьэлиҥдэ библиотекатыгар креативнай кинигэ обложкатын оҥорууга, маастар –кылаас оҕуруонан анньыыга, үнкүү разминката, викторина, караоке ырыа күрэҕэ буолан ааста.

          Киин библиотекаҕа үлэһиттэргэ аналлаах семинар буолла. Каталогы бэрээдэктээһин, справочнай – библиографическай аппараты туһанан түргэнник уонна сөптөөхтүк ыйыппыт литератураны булуу, кинигэни оцифровкалааһын, Word, Excel, poin программалары үөрэтии буолла.

          Ол кэннэ күнүс 4 ч библиотека күнүгэр аналлаах үөрүүлээх тэрээһиммит арылынна. Биэчэрбит бастакы чааһын арыйдылар литературнай монтаһынан Х.М. Николаев аатынан Өлөөн орто оскуолатын 3 «б» кылаас үэрэнээччилэрэ. Кииннэммит библиотечнай ситим директора Надежда Николаевна Семенова кылгас киирии этиитинэн арыйда. Библиотека үлэтин сырдатта уонна инники соруктары иһитиннэрдэ. Онтон библиотека үлэһиттэрин эҕэрдэлээн туран сэмэй бэлэхтэри туттартаата. Республикабыт бастакы президенэ М.Е. Николаев аатынан „Николаевские чтения» научнай практическай конференция5а кыттыбыт С.Е. Степанова5а уонна Е.В. Николаева5а туоһу сертификаттары туттартаата. Ааҕыы программа чэрчитинэн Н.Е. Мординов Амма-Аччыгый Сааскы кэм романыттан „Ийэ“ диэн кэпсээнин оройуон салайааччыларын, сахалыы кэпсээни сөбүлээн ааҕар дьонтон кыра кыра отрывоктарынан уьуллан аахтардыбыт. Аахтылар оройуон аҕа баһылыга А.С. Иванов, баһылык солбуйааччыта И.А. Саввинов, УСХ начальнига К.К. Неустроев, администрация үлэһиттэрэ Н.Д. Семенова, Р. Федоров, Е.В. Семенова, С. Л. Алексеева, М.И. Караваева., Өлөөн орто оскуолтаын завуьа А.А. Стручкова, пенсионнай отдел үлэҺитэ Н.Н. Васильев. Харыйалаах орто оскуолатын учуутала Е.С. Тихонова. Бу проекка кыттыбыт, аахпыт дьоммутугар библиотека үлэһиттэрин аатыттан барҕа махталбытын тиэрдэбит.

           Пенсионнай управление салайааччыта А.В. Коркина пенсионнай фонда өҥөтүн туһунан бэрт сэргэхтик кэпсээтэ. В.М. Новиков - Күннүк Уурастыырап 100 сааьыгар аналлаах хоһоон түһүлгэтэ , интеллектуальнай вопростар ыытылыннылар. „Тайна Тибета» диэн отунан оҥоһуллубут капсулалар тустарынан киин балыыьа акушерката А.И. Иванова, Өлөөн эмтээх үүнээйилэрин үөрэтэр, хомуйар А.Н. Пахомова кэлбит дьоҥҥо сиһилии кэпсээтилэр, оттор туохха туһалаахтарын ыйыталастылар, хайдах оҥорорго ыйыы - кэрдии, сүбэ-ама биэрдилэр. Салгыы тэрээһиҥҥэ «Твои локоны в тренде“ диэн маастар кылаас ыытта Прасковья Артамонова. Любовь Трофимовна Соломонова оҕуруонан анньан оҥоһуллубут дьэрэкээн сибэккилэрин выставкатын олус биһирээтилэр, сэргээтилэр.

           Хас биирдии тэрээһиҥҥэ кэлэн актыыбынай кыттыыны ылбыт ааҕааччыларбытыгар, ыалдьыттарбытыгар истиҥ махталбытын тиэрдэбит.

Өлөөннөөҕү кииннэммит

библиотечнай ситим методиьа

Екатерина Васильевна Николаева