Кинигэ сүрэхтэниитэ муус устар 27 күнүгэр Харыйалаах "Илкээнньи" культура дьиэтигэр буолан ааспыта. Кинигэни Раиса Семеновна Аммосова - биьиги оройуоммут Харыйалааҕын олохтооҕо хомуйан оҥорбут. Оттон кинигэ ааптара тыыл, үлэ ветерана Сухаана нэьилиэгин төрүт олохтооҕо - Сергеева Анна Федоровна.

     Кинигэҕэ Аҕа дойду Улуу сэриитин сылларыгар оччотооҕу Сухаана нэһилиэгин олохтоохторо бэйэни харыстаммат үлэлэрин туһунан кэпсэнэр. Быһата тыылга да олорон Кыайыыны уһансыахха сөбүн туһунан ахтыылары ааҕа олорон санаан ылаҕын... Урукку сылларга Сухаана нэһилиэгин туһунан кинигэ сурулла даҕаны, тахса да илик. Онон бу  кинигэ  аан маҥнайгы кинигэ. Ааптар бу кинигэҕэ бэйэтин аймахтарын эрэ суруйбатах. Оччотооҕу Аҕа дойду Улуу сэриитин сылларыгар үлэлээн, олорон ааспыт Сухаана дьонун барытын кэриэтэ кинигэҕэ кииллэрбит. Бу кинигэ кэлэр көлүөнэ ыччаттара ааҕалларыгар:эһээлэрэ,эбээлэрэ хайдах курдук хорсуннук үлэлээбиттэрин өйдүүллэригэр,сүрэхтэригэр чугас ылыналларыгар наадалаах дии саныыбыт.