Кыыс о5о - норуот кэскилэ, кэскилээх омук эрэлэ. Аан дойду дьахталларын күнүгэр - сааскы бырааһынньыкка айыл5а барахсан туран биэрдэ. Саас кэлэн, күммүт тыган, үөрэ-көтө кырачаан кыргыттарга "А, ну-ка, девочки!" кулун тутар 6 күнүгэр Өлөөннөөҕү киин библитиэкэтигэр ыытыллар куонкуруска муһуннулар. Оройуоннааҕы киин оҕо бибилэтиэкэтигэр кыргыттары көрүстүлэр эйэҕэс оҕо бибилитиэкэтин сэбиэдиссэйэ Мария Николаевна уонна Ирина Алексеевна. Куонкуруһу үөрүүлээх быһыыга-майгыга бырааһынньыгынан итии-истиҥ тылларынан эҕэрдэлээн туран Өлөөннөөҕү оҕо уонна дьиэ кэргэн көмүскэлин отделениетын баспытаатала уонна дьиэ кэргэн көмүскэлин отделениетын баспытаатала Вероника Юриевна уонна оҕо отделын библитиэкэтин библиотекара Ирина Алексеевна иилээн-саҕалаан арыйдылар.

Кыргыттар муусука ырыатыгар доҕуһуоллатан жеребьевканан нүөмэрдэри таллылар. Бастакы нүөмэри саамай кырачаан 2 кылаас үөрэнээччитэ Маша Софронова тардан ылла, иккис нүөмэринэн Инесса Николаева ойо тарда, үһүс нүөмэр 3 кылаас үөрэнээччитэ Диана Новгородоваҕа тигистэ, төрдүс нүөмэр 2-с кылаас үөрэнээччитигэр Алгыстаана Соломоноваҕа тигистэ.

Куонкуруска бастаан дьиэҕэ бэриллибит сорудахтарын ийэлэрин туһунан кэпсээтилэр.Манна бастакы миэстэҕэ Инесса Николаева, ийэтин - Прасковья Иванова туһунан кэпсээтэ.

Иккис сорудахтарынан буолла, дьиэҕэ-уокка сыһыаннаах таабырыннар, манна элбэх кинигэни ааҕыыччылар, билиилээхтэринэн Инесса уонна Диана буоллулар.

Ийэ портретын уруһуйдуурга дьоҕурдарын, мындырдарын үһүс сорудахха көрдөрдүлэр. манна хас биирдии кыттаачы ийэлэрин туһунан уруһуйдарын кэпсээн көмүскээтилэр.

Төрдүс сорудаҕынан хас биирдии кыттааччы оҕо остуоруйаларын таайыыга бары эппиэти сөпкө биэрдилэр.

Бэһис сорудах күрэххэ ким күүстээҕин билээри баатаны ыраах быраҕарга бэрилиннэ.

Бүтэһик алтыс сорудахха баспытаатал итии-сылаас илиитин таайарга судургу Алгыстаана Соломонова таайда. Куонкурус кыттыылаахтарын бибилитиэкэ үлэһиттэрэ, оҕо уонна дьиэ-кэргэн отделениетын үлэһиттэрэ Аан дойду дьахталларын күнүнэн итиитик- истинник эҕэрдэлээтилэр уонна грамоталары, сэмэй бэлэхтэри туттардылар, остуолд тула олорон бырааһынньык миннигэс тордунан тумуктэннэ