Олунньу 13 күнэ төрөөбүт тыл уонна сурук-бичик күнэ. Сахабыт сирин усталаах-туоратын тухары, хоту Муустаах муора кытылыттан, киэн нэлэмэн туундараттан соҕуруу Амур өрүс тардыытыгар, көмүстээх Алдан хайаларыгар тиийэ сахалы ырыа-хоһоон, олоҥхо-оһуохай ыһыаҕа ыһыллар, хас биирдии дэриэбинэҕэ, куоракка, оскуолаҕа тиийэ ийэ тылга сүгүрүйүү сиэрэ-туома ыытыллар.

        Оройуоннааҕы киин библиотекаҕа төрөөбүт тыл уонна сурук-бичик күнүгэр анаан олунньу 6 күнүттэн 14 күнүгэр диэри бэрт араас тэрээһиннэр ыытылыннылар.: 

-Уһуйаан иитиллээччилэригэр сахалыы суругу -бичиги, саха алфавитын олохтообут Семен Андреевич Новгородов туһунан бэсиэдэ уонна саха суруйааччыларын хоһооннорун   дорҕоонноохтук ааҕыы куонкуруһа ыытылынна. Оҕолор саха бастакы  букубаарын биллилэр. Сахалыы  саҥа кинигэлэр быыстапкатын сэҥээрэн көрдүлэр.

-2 сылын ылын  ыытыллар бэйэни бэрибиэркэлэнэр "Сахалыы диктант" ыытыллыбыта. Кыттыыны ыллыллар саха тылын сэргиир-ааҕар ааҕааччыларбыт, олортон саамай аҕам саастаахпыт Николай Семенович Николаев.Туйгуннук суруйан  Добун сурук  хаһаайынынан Степанова Сардана Егоровна ветераннар уонна инбэлииттэр дьиэлэрин дириэктэрэ. Диктаны суруйтарда хаьыс да сылын Х.М. Николаев аатынан Өлөөн орто оскуолатын саха тылын уонна литературатын учуутала Наталья Васильевна Семенова.

-  Сахалыы остуол оонньуулара  хабылык, хаамыска күрэҕэ буолта. Кыайыылаахтарынан  Семенова Наталья Васильевна  уонна Семенов Семен Васильевич ааттаннылар.

-Оройуоннааҕы "Аман өс" күрэҕэр  Харыйалаах уонна Өлөөн орто оскуолаларын үөрэнээччилэрэ кыттыыны ыллыллар. Оҕолор үрдүк таһымнаахтык кытыннылар. Дьүүллүүр сүбэ быһаарытынан Яна Дмитриева, Кристина Семенова, Ярослав Торговкина кыайыылаах ааты сүктүлэр. Үэрэнээччилэри бэдлэмнээбит саха тылын учууталлларыгар Зоя Николаевна Толбоноваҕа уонна Декабрина Алексеевна Тимофееваҕа барҕа махталбытын тиэрдэбит.

-Ону таһынан ватсап иьинэн ыытыллыбыт викторинаҕа кыайыылааҕына Анджелла Александровна Николаева тигистэ.