Библионочь – муус устар ыйга сыл аахсын Бүтүн Россия үрдүнэн ыытыллар ааҕыы фестиваля. Бу түүн библиотекаларга, кинигэ маҕаһыыннарыгар, литературнай музейдарга туһалаахтык бириэмэлэрин атаараллар. Бастакы акция 2012 сыллаахха культура менеджердарын Ассоциациятын иҥэриллибитэ.

Муус устар 21 күнүгэр Бүтүн Россиятааҕы түүҥҥү библиотека акцияҕа кыттыһан Өлөөн улуустааҕы библиотеката ааҕааччыларга бэйэтин тэрээһиннэрин ыытта. Бу күн киэһэ 5 чаастан 10 чааска дылы араас хайысхалаах тэрээһиннэр аастылар. Акция торжественнай чааһын арыйдылар Өлөөн орто оскуолатын 3 “А” кылааһа, кылаас салайааччыта Любовь Николаевна Стручкова. Оҕолор улуу нуучча уонна саха поэттарын билиһиннэрдилэр кинилэр хоһооннорун дорҕоонноохтук аахтылар.

Бастакы страница “Литературнай микрофон”, кыттааччылар сааскы наҕыл сибэкки ньургуһун туһунан ааҕан иһитиннэрдилэр, үлэ ветерана Клавдия Григорьевна Киреева бэйэтин хоһоонун ис дууһатыттан ааҕан ыалдьыттары үөртэ, самай эдэр ааҕаачы “литературнай микрофоҥҥа” буолла Нестер Петров. Иккис страница мастер-класстар “Во саду ли, в огороде ли” девизтээх оҕуруоччуттар саҕалаатылар. Люция Федотовна Илларионова уонна Мария Афанасьевна Сергеева бэйэлэрин үүннэрии опыттарын атастастылар. Мария Афанасьевна дьиэтин тиэргэнигэр хатыҥ мас олордубутун иһитиннэрдэ, сөхтөрдө. “Халадай” мастер-класс хаһаайката Иббарура Кононовна Павлова киһи бэйэтин размерынан сөптөөхтүк кырыйарга сүбэ-ама биэрдэ. Республикаҕа эдэр ыччат сылынан биллэриллибитинэн Өлөөннөөҕү балыыһа эдэр ыччата Айсаана Николаева, Тимур Иванов ыалдьыттарга пластикавай бутыылканнан, хаппахтарынан мастер-класс көрдөрөн бырааһынньыгы киэргэттилэр. Үһүс страницаҕа “Клуб коллекционеров” сүрэхтэниилэрэ буолла. Альбина Сергеевна Борисова 240 араас формалаах ручкалара, Анна Николаевна Пахомова кыра кинигэлэрэ, Ульяна Максимовна Васильева араас ачыкалар, шкатулкалара,кыптыйдара, Айталина Иосифовна Тимофеева фарфоровай тэриэлкэлэрэ, Аида Васильевна Николаева паарнай сувенирдара, Кылатчанов Богдан араас дойду харчы маркаларын купюралара быыстапкаҕа тураннар библионочька кэлбит ыалдьыттары интириэһиргэттилэр. Хас биирдии коллекционер бэйэлэрин инириэстэрин кэпсээтилэр. Төрдүс страница саҥа сүүрэнэ буолар интерактивнай оонньуу “төгүрүк тула боппуруостар” манна активнай кыттыыны ыллылар Өлөөннөөҕу муниципальнай администрация үлэһиттэрэ.тэрээһин кэмигэр “библиокафе” улэлээтэ. Күөх экраҥҥа Василий Семенович Яковлев- Далан сэһэниттэн “Дьикти саас” киинэни көрөөһүнүнэн түмүктэннэ.

Тэрээһиҥҥэ кэлбит ыалдьыттарбытыгар, кыттааччыларбытыгар киин библиотека үлэһиттэрин аатыттан махталбытын тиэрдэбит. Инники тэрээһиннэргэ кэлэн ыалдьыттыыргытыгар ыҥырабыт.

Е.В. Иванова

Читальнай зал бибилитиэкэрэ.