Тохсунньу 13 күнүгэр  киин библиотекаҕа  "Алыптаах саҥа дьыл истиҥ илдьитэ" эргэ  саҥа дьыллаа5ы биэчэр  ыытылынна. Библиотека аактабай саалатыгар оройуон  актыыбынай аа5ааччылара, ветераннара мустубутун кэннэ үөрүүлээх биэчэри кииннэммит библиотечнай ситим директора Надежда Николаевна Семенова  кылгас киирии тылынан арыйда. 

     2017 сыл - Россияҕа Экология сылынан биллэриллибитэ.Өлөөн оройуонун айылҕа харыстабылын ыстаарсай госинспектора Александров Владислав Парфеньевич,  Айылҕа харыстабылын  оройуоннаа5ы инспекциятын начальнига Спиридон Андреевич Соломонов быйылгы сылга туох үлэ күүтэрин, былааннарын кэпсээтилэр. Спиридон Андреевич кэлбит ыалдьыттарга хас биирдиилэригэр экология сыла биллэриллибитинэн "Кристальный  Оленек" диэн суруналыыстар Өлөөн кэрэ көстүүлэрин хаартыскаҕа түһэрэн оҥорбут фотоальбомнарын бэлэх туттартаата.

  Ити тэҥэ "Саҥа дьыл истиҥ илдьитэ"  эҕэрдэ открыткаларын көрүү куонкурус түмүгэ биллэрилиннэ. Е.П. Стручкова, М. С. Николаева, Н.П. Колодезникова, М.А. Сергеева, Н.В. Бенчик, Константин Долгунов, Василина Николаева  уо. д. а. өр сылларга киччэллэн уура -харайа сылдьар открыткаларын биһирии көрдүлэр.